वरामद समान नष्ट

गणेश वि.क. रुकुम, चैत्र, ०७ दुई महिना अघि वरामत गरेका खुद्रा सामानहरु आज जिल्ला प्रशासन कार्यालय रुकुमले नष्ट गरेको छ । माघमा जिल्ला प्रशासन कार्यालयको अगुवाईमा खलंगा वजारका विभिन्न पसलहरुमा अनुगमन गरि ठूलो परिणाममा समानहरु वरामद गरेको थियो । आज सहायक प्रमुख जिल्ला अधिकारी भुपेन्द्र पाण्डे, उद्योग वाणिज्य संघका प्रतिनिधि, पत्रकार र सर्वसाधारणहरुको उपस्थितिमा समान नष्ट गरिएको हो । वजारका एक दर्जन भन्दा बढी पसलहरुवाट चिल्ली सस, फ्रुटी, लोकल रक्सी, सेम्पु, जुस, टेष्टी विस्कुट लगाएतका समानहरु वरामद गरिएको थियो । म्याद नाघिसकेका र गैरकानुनी रुपमा सञ्चालन गरेका सामानहरु मात्र आफुहरुले वरामद गरेको जिल्ला प्रशासन कार्यालय रुकुमले जानकारी दिएको छ ।